ایک اوور میں سات چھکے مارنے کا نیا ریکارڈ بن گیا

انڈین بیٹر رتوراج گائیکواڈ 7 چھکے مارنے والے پہلے کھلاڑی بن گئے

انڈیا میں جاری ڈومیسٹک کرکٹ ٹورنامنٹ میں انڈین بیٹر رتوراج گائیکواڈ نے ایک اوور میں 7 چھکے لگا کر نیا ریکارڈ قائم کردیا۔

پیر کو وجے ہزارے ٹرافی کے سیمی فائنل میں مہارشٹرا کے کپتان رتوراج گائیکواڈ نے اتر پردیش کے خلاف ڈومیسٹک ون ڈے میچ کے دوران 49 ویں اوور میں شیوا سنگھ کو ایک اوور میں سات چھکے مارے۔

شیوا سنگھ نے اپنے اوور میں ایک نو بال بھی کروائی اور اس نو بال پر بھی رتوراج گائیکواڈ نے انہیں چھکا مارا اور اس طرح اتر پردیش کے بولر کا ایک اوور سات چھکوں پر ختم ہوا۔

رتوراج گائیکواڈ نے اپنی ناقابل شکست اننگز میں 159 گیندوں پر 16 چھکوں اور 10 چوکوں کی مدد سے 220 رنز بنائے۔

انڈین بیٹر رتوراج گائیکواڈ کسی بھی فارمیٹ میں ایک اوور میں 42 رنز بنانے والے پہلے کھلاڑی بن گئے ہیں۔

رتوراج گائیکواڈ انڈین کرکٹ ٹیم لیے ایک ون ڈے اور ایک ٹی20 انٹرنیشنل بھی کھیل چکے ہیں جبکہ انڈین پریمیئر لیگ میں وہ چنائی سپر کنگز کی نمائندگی کرتے ہیں۔

کرکٹ

world record

indian cricket team

Usarimkhan Nov 29, 2022 08:46pm
Ghulam Q Hain ap ye bata de sirf
Tabool ads will show in this div