سال نو کا جشن؛ برج الخلیفہ پر دنیا کا سب سے بڑا لیزر لائٹ شو ہوگا

شو دنیا کو حیران کردے گا، منتظمین

نیو ایئر نائٹ کے موقع پر دبئی میں برج الخلیفہ پر دنیا کے سب سے بڑے لیزر لائٹ شو اور آتش بازی کا شاندار مظاہرہ کیا جائے گا۔

منتظمین کے مطابق اس سال نو کے موقع پر دبئی میں ہونے والا شو دنیا کے سب سے بڑے لیزر ڈسپلے کا نیا عالمی ریکارڈ قائم کرے گا جس میں روشنی کی شعاعیں طویل ترین مسافت طے کرتی نظر آئیں گی، شو کی میزبانی دنیا کی بڑی ڈویلپر کمپنی ایمار (EMAAR) کررہی ہے۔

منتظمین کا کہنا ہے کہ برج الخلیفہ پر ہونے والا یہ لیزر شو وہاں موجود مہمانوں کے علاوہ دنیا بھر میں ٹی وی پر دیکھنے والے کروڑوں ناظرین کو بھی حیران کر دے گا۔

واضح رہے کہ دبئی کا مشہور برج الخلیفہ ٹاور 2010 سے نئے سال کی تقریبات کا ایک لازمی حصہ رہا ہے جسے دنیا بھر میں خصوصی دلچسپی کے ساتھ دیکھا جاتا ہے۔

new year night

Burj ul khalifa

new year night 2023

Tabool ads will show in this div