کیا شوہر بیوی کی بھانجی سے شادی کرسکتا ہے؟لاہور ہائیکورٹ میں انوکھا کیس

کیا شوہر اپنی بیوی کی سگی بھانجی سے شادی کرسکتا ہے؟ لاہور ہائیکورٹ میں انوکھا کیس سامنے آگیا۔

دوسری بیوی کی بازیابی کیس میں جسٹس انوارالحق پنوں کی عدالت میں دوران سماعت درخواست گزار مشتاق احمد کی پہلی بیوی 4 بچوں سمیت کمرہ عدالت میں پہنچ گئی۔

شہری کی پہلی بیوی کا کہنا تھا کہ مشتاق احمد نے اسے طلاق نہیں دی اور بھانجی سے زبردستی دوسری شادی کرلی۔ عدالت نے مشتاق احمد کی درخواست مسترد کرتے ہوئے 35 ہزارروپے جرمانہ کردیا۔

یہ خبر بھی پڑھیے:قرآن کریم کی ننھی معلمہ

درخواست گزار کے وکیل نے مؤقف اپنایا کہ دوسری بیوی سائلہ احمد اپنے شوہر کے ساتھ جانا چاہتی ہے، جسٹس انوارالحق پنوں نے قراردیا اگر کوئی کنوئیں میں چھلانگ لگانا چاہے تو کیا عدالت اجازت دیدے۔

عدالت نے دوسری بیوی کو اس کے والدین کے ساتھ بھجوا دیا، اوکاڑہ کے رہائشی مشتاق احمد نے دوسری بیوی کی سسرالیوں سے بازیابی کےلئے رجوع کیا تھا۔