سرکاری املاک اور دستاویزات پر سیاستدانوں کی تصاویرلگانے پر پابندی عائد

سپریم کورٹ نے سرکاری املاک اور دستاویزات پر سیاستدانوں اور پبلک آفس ہولڈرزکی تصاویر لگانے پر پابندی عائد کر دی۔

سپریم کورٹ نے راولپنڈی کی کچی آبادی سے متعلق کیس کا فیصلہ جاری۔ عدالت نے قرار دیا کہ سرکاری وسائل پر ذاتی تشہیرکی اجازت نہیں دی جا سکتی۔

تحریری فیصلے میں کہا گیا ہے کہ پاکستان کسی کی جاگیر نہیں جہاں عوام حکمرانوں کے سامنے جھک جائیں، جمہوری ساکھ کو برقرار رکھنے کیلئے چوکنا رہنا ہوگا۔

فیصلے میں کہا گیا ہے کہ سرکاری املاک پر ذاتی تشہیر کیلئے تصاویر اخلاقی اقدار کو مجروح کرتا ہے، تمام چیف سیکرٹریز اور وفاقی انتظامیہ عدالتی فیصلے پر عملدرآمد یقینی بنائیں۔