کرسٹیانو رونالڈو نے مانچسٹر یونائیٹڈ سے راہیں جدا کرلیں

رونالڈو باہمی رضامندی کے تحت جا رہے ہیں، فٹبال کلب

پرتگال کے معروف فٹ بالر کرسٹیانو رونالڈو نے مانچسٹر یونائیٹڈ کلب چھوڑ دیا۔

غیر ملکی میڈیا کے مطابق مانچسٹر یونائیٹڈ کی جانب سے جاری بیان میں کہا گیا ہے کہ رونالڈو باہمی رضامندی کےتحت کلب چھوڑ کر جا رہے ہیں۔

کلب انتظامیہ نے رونالڈو اور ان کی فیملی کیلئے نیک خواہشات کا اظہار کرتے ہوئے کہا کہ مانچسٹر یونائیٹڈ کیلئے ان کی خدمات کا شکریہ ادا کرتے ہیں۔

یہ بھی پڑھیں: مانچسٹر یونائیٹڈ نے مجھے دھوکہ دیا، کلب چھوڑنے پر مجبور کیا گیا، رونالڈو

چند روز قبل ایک انٹرویو میں 37 سالہ کرسٹیانو رونالڈو نے کلب پر تنقید کی تھی اور کہا تھا کہ وہ مینیجر ایرک ٹین ہیگ کے لیے ”کوئی احترام نہیں رکھتے“۔

کرسٹیانو رونالڈو اس وقت فٹبال ورلڈ کپ کیلئے قطر میں پرتگالی ٹیم کے ساتھ موجود ہیں جہاں وہ جمعرات کو گھانا کے خلاف گروپ ایچ کے اپنے ابتدائی میچ میں ٹیم کی قیادت کریں گے۔

Cristiano Ronaldo

Manchester United

Argentinian Footballer

Tabool ads will show in this div