پنڈی ٹیسٹ دھرنے سے متاثر نہیں ہوگا، عمران خان کی رمیز راجہ کو یقین دہانی

چیئرمین پی سی بی کی برطانوی ہائی کمشنر کے ہمراہ عمران خان سے ملاقات

سابق وزیراعظم عمران خان سے چیئرمین پی سی بی رمیزراجہ نے ملاقات کی ہے۔

منگل کو زمان پارک لاہور میں ہونے والی اس ملاقات میں برطانوی ہائی کشمنر کرسچن ٹرنر بھی موجود تھے جس میں تحریک انصاف کے لانگ مارچ اور پاک انگلینڈ سیریز کے حوالے سے بات چیت کی گئی۔

ذرائع کے مطابق سابق وزیراعظم عمران خان نے زمیز راجہ کو یقین دہانی کراتے ہوئے کہا کہ بے فکر رہیں ٹیسٹ سیریز پر دھرنے کا کوئی اثرنہیں ہوگا، پارٹی کو ہدایات جاری کردیتا ہوں، میچ راولپنڈی میں شیڈول کے مطابق ہوگا۔

واضح رہے کہ پاکستان اور انگلینڈ کے مابین پہلا ٹیسٹ میچ یکم دسمبر سے راولپنڈی میں شیڈول ہے اور تحریک انصاف نے 26 دسمبر کو راولپنڈی میں ہی اپنے دھرنے کا اعلان کررکھا ہے جس کی وجہ سے ٹیسٹ میچ کے انعقاد سے متعلق غیر یقینی صورتحال پیدا ہوگئی ہے۔

IMRAN KHAN

Ramiz Raja

Chairman PTI

pti long march 2022

pak england test series

Tabool ads will show in this div