اہم تعیناتی کے فیصلے کے بعد وزیراعظم ترکیہ کا دورہ کرینگے

وزیراعظم میاں محمد شہباز شریف ( PM Shehbaz Sharif ) کے ترکیہ کے دورے کا شیڈول جاری کردیا گیا ہے، وزیراعظم روانگی سے قبل ہی اہم تعیناتی کا فیصلہ کرکے ترکیہ روانہ ہونگے۔

سرکاری ذرائع کے مطابق وزیراعظم میاں محمد شہباز شریف تین روزہ دورے پر ترکیہ جائیں گے۔ سرکاری دورے کا آغاز 24 نومبر بروز جمعرات سے ہوگا۔

سرکاری ذرائع کا یہ بھی کہنا ہے کہ وزیراعظم دورے کے دوران ترک قیادت سے ملاقاتیں کریں گے، ترک قيادت سے ملاقاتوں ميں دو طرفہ تجارتی امور پر بھی تبادلہ خیال ہوگا۔

وزیراعظم ترک ہم منصب، ترکیہ میں بزنس کمینوٹی سے بھی ملاقاتیں کریں گے۔ حکومتی ذرائع کے مطابق وزیراعظم روانگی سے قبل ہی اہم تعیاناتی کا فیصلہ کرکے ترکیہ روانہ ہونگے۔

وزیراعظم پاک ترک تعاون سے تیار بحری جہاز سمندر میں اتارنے کی تقریب میں بھی شرکت کریں گے۔ سفارتی ذرائع کے حوالے سے بتایا گیا ہے کہ وزیراعظم دورہ ترکیہ میں پاکستان نیوی کی ترکیہ کے تعاون سے بنائے گئی فریگیٹ کا افتتاح کریں گے۔ فریگیٹ کا افتتاح وزیراعظم اور ترک صدر مشترکا طور پر کریں گے۔

واضح رہے کہ پاکستانی وزیراعظم میاں محمد شہباز شریف کو دورہ ترکیہ کی دعوت ترک صدر رجب طیب اردوگان کی جانب سے دی گئی تھی۔