بھارت میں کالج طلبا کے ایک بار پھر پاکستان زندہ باد کے نعرے

پاکستان کے حق میں نعرے لگانے والی ایک طالبہ اور 2 طلبہ کے خلاف مقدمہ درج
<p>فوٹو: فائل</p>

فوٹو: فائل

بھارت کے شہر بنگلورو کا انجنئیرنگ کالج پاکستان زندہ باد کے نعروں سے گونج اٹھا۔

بھارتی میڈیا کے مطابق ریاست کرناٹکا کے دارالحکومت بنگلورو کے انجنیئرنگ کالج میں ایک ثقافتی پروگرام جاری تھا کہ اس دوران ایک لڑکی اور 2 لڑکوں نے پاکستان زندہ باد کے نعرے لگادیئے۔

پاکستان زندہ باد کے نعروں کی ویڈیو کالج میں وائرل ہوگئی جس کے بعد تینوں طلبہ کے خلاف بنگلوروں کے مراٹھا بلی پولیس اسٹیشن میں مقدمہ درج کردیا گیا ہے۔

تینوں طلبہ کو شخصی ضمانت پر رہا کردیا گیا ہے تاہم انہیں بغیر پیشگی اطلاع شہر سے باہر جانے سے روک دیا گیا ہے۔

رواں برس 14 اگست کو بھی بنگلورو ہی میں کلب ہاؤس نامی ایک مقامی ایپ پر پاکستان کے حق اور بھارت کے خلاف نعرے لگائے گئےتھے۔ اس ایپ کے ممبران نے 14 اگست کو اپنے ڈی پی پر پاکستان کا پرچم لگایا تھا بلکہ قومی ترانہ بھی بجایا تھا۔ پولیس نے اس پر 2 طلبہ کو حراست میں لے لیا تھا۔

انڈیا

Pakistan zindabad

pro Pakistan Slogans In indian College

Tabool ads will show in this div