شعیب اختر پر بننے والی فلم میں فاسٹ بولر کا کردار کون نبھا رہا ہے؟

نئی آنے والی بین الاقوامی sports فلم Rawalpindi Express میں شعیب اختر کا کردار گلوکاراور اداکارعمیر جسوال ادا کریں گے۔

دنیا کے تیز ترین فاسٹ باولر شعیب اختر کی زندگی پر بننے والی اسپورٹس بائیوپک فلم راولپنڈی ایکسپریس میں کاسٹنگ کے حوالے سے پاکستان کے مختلف شہروں سے اداکاروں کا آڈیشن ہوا تھا۔

فلم کے سوشل میڈیا پیج کے ذریعے باضابطہ طور پر آگاہ کیا گیا ہے کہ شعیب اختر کا کردار عمیر جسوال ادا کریں گے۔

تصویر میں دیکھا جا سکتا ہے کہ عمیر نے شعیب کے نام کی گرین شرٹ زیب تن کی ہوئی ہے جبکہ وہ ایک کرکٹ گراونڈ میں موجود ہیں۔

فلم کے حوالے سے سوشل میڈیا پراعلان کرتے ہوئے شعیب اختر نے خوش دکھائی دیے انہوں نے اس فلم کا اعلان رواں برس فلم کے ایک ٹیزر کو شیئر کرتے ہوئے کیا تھا۔ ساتھ ہی اپنے مداحوں کو یہ لکھا کہ ایک خوبصورت ترین سفر کا آغاز۔

فلم کو دبئی سے تعلق رکھنے والے فلم میکر فراز قیصر بنا رہے ہیں. جنہوں نے 2003 کے ورلڈ کپ کے دوران پاکستان اور انگلینڈ کے میچ میں شعیب اختر کی تیز ترین بولنگ سے متاثر ہوکر فلم بنانے میں دلچسپی لی۔

فلم کو پاکستان ، دبئی ، آسٹریلیا اور برطانیہ میں عکس بند کیا جائے گا اور یہ آئندہ برس 16 نومبر کو نمائش کے لئے پیش کی جائے گی۔