مجھے تو نیند بھی اپنی مرضی سے نہیں آتی، حمائمہ ملک
انسٹاگرام لائیو کے ذریعے انٹرویو دیتے ہوئے حمائمہ ملک نے اپنی ذاتی زندگی کے حوالے سے بات کی ۔
انسٹاگرام لائیو ویڈیو میں بھارتی صحافی فریدون شہریار کو انٹرویو دیتے ہوئے حمائمہ ملک نے اپنی ذاتی زندگی کے حوالے سے بھی تجربات شیئر کیے ۔ اپنی ذہنی حالت کے بارے میں ان کا کہنا تھا کہ لوگ سمجھتے ہیں کہ میں حمائمہ ملک ہوں ، لیکن آپ دل سے بھی افسردہ ہوسکتے ہیں کوئی پوچھ کہ آپ کیسی ہو ؟ یا اگر کوئی یہ بھی کہہ دے کہ میں تمہارے ساتھ ہوں تو یقین کیجیے کہ دل بہت اچھا ہو جاتا ہے ۔
حمائمہ ملک نے کہا کہ انہوں نے 14 برس کی عمر سے کام کرنا شروع کیا ، یہاں تک کہ اپنے بچپن کو بھی انجوائے نہ کرسکیں ۔ انٹرویو کے دوران حمائمہ ملک نے کہا کہ ان سب چیزوں نے میرے اندر کی حمائمہ کو کھو دیا ۔ ہمارے والدین نہیں سمجھ پاتے لیکن صحیح وقت پر اگر والدین سمجھ جائیں تو دل کا خالی پن نہیں رہتا ۔ انٹرویو کے دوران حمائمہ نے کہا کہ وہ چھ بہن بھائی ہیں اور انہوں نے اپن تمام بہن بھائیوں کی کفالت کی ۔
دل کا خالی پن ٹھیک نہیں ۔
حمائمہ نے کہا کہ دل کا خالی پن ٹھیک نہیں ، انہوں نے کہا کہ کبھی تو ذہنی کیفت اتنی خراب بھی ہوجاتی ہے کہ دل ہی نہیں کرتا کہ بستر سے بھی اٹھو ۔ حمائمہ نے بتایا کہ ان کا ایک مسئلہ یہ بھی ہے کہ انہیں نیند نہیں آتی ۔ اپنی مرضی سے نیند لینے والوں کو حمائمہ نے خوش قسمت ترین قرار دیا کیونکہ ان کو جب وہ چاہتی ہیں تو نیند نہیں آتی ۔ حمائمہ نے کہا کہ جب لوگ کہتے ہیں اس کو کیا یہ تو حمائمہ ملک ہے مگر وہ نہیں جانتے کہ ہم اندر سے کتنا خالی ہیں ۔
دارو یا زینب قریب ترین کردار ؟؟
حمائمہ ملک شعیب منصور کی فلم زینب میں کام کیا ، زینب کا ڈائیلاگ جب کھلا نہیں سکتے تو پیدا کیوں کرتے ہو بے حد مقبول ہوا ۔ دی لیجنڈ آف مولا جٹ میں حمائمہ نے دارو نتھ کا کردار نبھایا ۔ ان دونوں کرداروں میں نے حمائمہ نے کہا کہ بول میں زینب کا کردار ان کے قریب ترین ہے ۔ انہوں نے کہا کہ بول کے سیٹ کے دوران انکی طلاق ہو رہی تھی ۔ حمائمہ نے بتایا کہ وہ پریشان تھیں تو شعیب منصور نے کہا کہ تمہارے پاس دو راستے ہیں یہ تمہاری مرضی ہے کہ تم کس دروازے کو کھولو ۔
سلمان خان کی بہت بڑی مداح ۔
حمائمہ ملک نے بتایا کہ وہ سلمان خان کی بہت بڑی فین ہیں ۔ ان کا کہنا تھا کہ بچپن میں اسکول کے لیے دی جانے والی جیب خرچ میں وہ ایک روپیہ بچا کر سلمان خان کے کارڈز خریدیں تھیں ۔ حمائمہ نے انکشاف کیا کہ ان کی اوران کے بھائی فیروز خان کی لندن میں جب سلمان خان سے ملاقات ہوئی ۔ اس ملاقات میں انہوں نے سلمان خان کو بتایا کہ میں نے اپنی جیب خرچ سے آپ کے کارڈز خریدے ۔ جس پر سلمان خان نے جواب دیا کہ کیا تم مجھ سے اب وہ پیسے وصول کرنا چاہتی ہو ؟
HUMAIMA MALICK
The Legend of Maula Jatt
Bol Movie
