قطر: فٹبال ورلڈ کپ کی مشقوں کے دوران حادثے میں 3 پاکستانی فائر فائٹرز جاں بحق

متوفین کے دوستوں کے مطابق حادثہ کرین گرنے کے باعث پیش آیا

قطر میں فٹبال ورلڈ کپ کی مشقوں کے دوران حادثے میں 3 پاکستانی فائر فئٹرز جاں بحق ہوگئے۔

فرانسیسی خبر ایجنسی کے مطابق یہ حادثہ بدھ کو پیش آیا۔ حکام نے حادثے کے حوالے سے کوئی تفصیلات فراہم نہیں کیں تاہم مرنے والے افراد کے دوستوں نے سوشل میڈیا پوسٹ میں بتایا ہے کہ انکی ہلاکت دوحہ کی حماد بندرگاہ پر کرین گرنے کے باعث ہوئی۔

اے ایف پی کے مطابق حادثے کے مقام پر فٹبال ورلڈ کپ کے حوالے سے فضائی اور اسٹیڈیم پر کیمیکل حملے سے نمٹنے کی مشقیں کی جارہی تھیں تاہم مقامی حکام کا کہنا ہے کہ تینوں فائر فائٹرز ان مشقوں میں شریک نہیں تھے۔

فٹبال ورلڈ کپ کی سیکیورٹی کے حوالے سے ہونے والی مشقوں میں امریکا، برطانیہ، فرانس، جرمنی، سعودی عرب، ترکی اور فلسطین کی سیکیورٹی فورسز شریک ہوئیں۔

فٹبال ورلڈ کپ میں سیکیورٹی سنبھالنے کیلئے پاک فوج کا دستہ بھی قطر بھیجا گیا ہے جبکہ ترکی نے بھی 3 ہزار پولیس اہلکار قطر بھیجے ہیں، فیفا ورلڈ کپ کی سیکیورٹی میں معاونت کی درخواست قطری وزارت داخلہ نے کی تھی۔

قطر میں فٹبال کے عالمی میلے کا آغاز 20 نومبر سے ہوگا جو 18 دسمبر کو اختتام پذیر ہوگا۔

accident

qatar

doha

FIFA World Cup Qatar 2022

FOOTBALL WORLD CUP 2022

Tabool ads will show in this div