اداکارہ کومل عزیز کا لڑکیوں کے نام اہم پیغام

ادکارہ کومل عزیز نے لڑکیوں کے نام اہم پیغام جاری کیا ہے، جس میں کہا ہے کہ ڈگری حاصل کریں، شاندار کیریئر بنائیں اور تھوڑی جمع پونجی رکھیں۔

پاکستانی معروف اداکارہ کومل عزیز خواتین اور لڑکیوں کیلئے کافی فکرمند رہتی ہیں۔ انہوں نے اس حوالے سے انسٹاگرام پر اسٹوری شئیر کی ہے۔

اپنے پیغام میں ان کا کہنا تھا کہ میری دعا ہے کہ ہم سب کو بہترین ہمسفر ملے، مگر براہ کرم پہلے اپنی تعلیم مکمل کرکے ڈگری حاصل کیجئے، ایک شاندار قسم کا پیشہ ورانہ کیریئر بنائیے اور تھوڑی جمع پونجی بھی رکھیے۔

ایک طرف ان کے اس پیغام کو اکثر مداحوں نے ناصرف سراہا بلکہ اس بات کی تائید کرتے ہوئے اس سے متفق بھی دکھائی دیئے۔

دوسری جانب کچھ صارفین نے اپنی رائے اور سوال شئیر کئے۔

ایک صارف نے لکھا کہ ان سبھی چیزوں کے باجود خواتین کے ساتھ بدسلوکی کی جاتی ہے، اس کی وجہ عورت نہیں بلکہ مرد اس چیز کا ذمہ دار ہے۔

ایک صارف نے لکھا کہ سارہ انعام کے ساتھ با اختیار ہونے کے باوجود برا ہوا، صحیح وقت ہے کہ بچوں کی پرورش میں یہ باتیں شامل کی جانی چاہئیں کہ وہ جس کسی سے بھی شادی کریں سو بار سوچ سمجھ کر کریں۔ اسے شادی سے پہلے سوال پوچھنے کی اجازت ملنی چاہئے تاکہ سامنے والے کی ذہنی سطح کا اندازہ لگایا جاسکے آخر کار یہی اہم ہے۔

ایک صارف نے لکھا کہ عورتیں اپنا انتخاب اپنے حالات کے مطابق کرتی ہیں۔