سونے کے دام میں دوسرے روز بھی اضافہ

بین الاقوامی مارکیٹ میں سونے کے داموں میں کمی کے باوجود ملک میں سونا مہنگا ہونے لگا ہے۔

منگل کے روز بین الاقوامی مارکیٹ میں سونے کے دام 3 ڈالر کمی سے 1644 ڈالر فی اونس ہوگئے۔

عالمی منڈی میں سونا سستا ہونے کے باوجود مقامی صرافہ بازاروں میں سونے کے دام میں مسلسل دوسرے روز بھی اضافے کا رجحان دیکھا گیا۔

منگل کے روز ایک تولہ سونے کے دام 700 روپے بڑھ کر ایک لاکھ 48 ہزار 400 روپے ہوگئے، اسی طرح 10 گرام سونا 601 روپے مہنگا ہوکر ایک لاکھ 24 ہزار 230 روپے کا ہوگیا۔

دوسری جانب صرافہ بازار میں چاندی کے بھاؤ 1580 روپے فی تولہ پر برقرار رہے۔