ٹچ بٹن ریلیز سے پہلے ہی تنازع کا شکار، سونیا حسین کا عروہ کو 5 ملین ہرجانے کا نوٹس

فلم ٹچ بٹن ریلیز سے پہلے ہی تنازعات کا شکار ہوگئی۔

فلم میں ہیروئن کا کردار اداکرنے والی سونیا حسین نے معاوضے کی عدم ادائیگی پر فلم پروڈیوسر عروہ حسین کو 50 لاکھ روپے ہرجانے کا نوٹس ارسال کردیا۔

سونیا حسین کے مطابق عروہ حسین اور انکے درمیان معاہدہ ہوا تھا کہ شوٹنگ ختم ہوتے ہی معاوضہ ادا کردیا جائے گا مگر شوٹنگ ختم ہونے کے دو سال بعد بھی معاوضہ نہیں ملا۔

فلم ٹچ بٹن پاکستان شوبز انڈسٹری کی خوبرو اداکارہ عروہ حسین کی بطور پروڈیوسر پہلی فلم ہے جو 11 نومبر کو ریلیز کی جائے گی، ان دنوں فلم کی پروموشن چل رہی ہے لیکن فلم کی اداکارہ سونیا حسین فلم کی پروموشنز سے غائب ہیں۔

سونیا حسین نے عدالتی نوٹس میں مؤقف اختیار کیا ہے کہ معاوضے کے لیے بارہا انہیں یاد دہانی کروائی گئی لیکن انہوں نے کوئی مناسب جواب تک نہیں دیا بلکہ رواں برس صرف 5 لاکھ کا چیک بھجوایا جو میں نے انہیں‌ واپس کر دیا لہذا اب میں ‌قانونی راستہ اختیار کرنے پر مجبور ہوں۔

نوٹس میں کہا گیا ہے کہ عروہ حسین کے رویے کی وجہ سے انہیں پریشانی کا سامنا کرنا پڑا، وہ جذباتی طور پر کمزور پڑ گئیں اور اپنے ہی پیسے مانگنے کے لیے شرمندہ ہوتی رہیں اس لیے اب پروڈیوسر انہیں ہرجانے کے لیے 50 لاکھ روپے ادا کریں۔

اس نوٹس کے مطابق عروہ حسین آئندہ 14 روز میں سونیا حسین کے قانونی نوٹس کا جواب دیں، دوسری صورت میں ان کے خلاف ہرجانے کا مقدمہ عدالت میں دائر کیا جائے گا۔

ایک اور صارف نے لکھا کہ جب عروہ کے پاس پیسے نہیں تھے تو پروڈیوسر بننے کی ضرورت کیا تھی۔

سوشل میڈیا صارفین اداکارہ اور پروڈیوسر کے درمیان پیدا ہونے والے اس تنازع پر اپنی رائے کا اظہار کر رہے ہیں۔

ایک صارف نے لکھا پہلے فلم تو ریلیز ہونے دو۔

دوسری صارف نے لکھا تو یہ وجہ تھی کہ سونیا فلم کی پروموشن کے لیے ٹیم میں نہیں ہیں۔

ایک صارف نے اسے فلم کو پروموٹ کرنے کا عام طریقہ کار قرار دے دیا۔

ایک صارف نے لکھا کہ فلم کے پروموشن کے وقت اس طرح کا رویہ انتہائی غیر پیشہ ورانہ ہے، کیا ہوا 50 لاکھ ہی تھے ناں مل جاتے بعد میں پہلے فلم بزنس تو کرلے۔

ایک اور صارف نے لکھا کہ جب عروہ کے پاس پیسے نہیں تھے تو پروڈیوسر بننے کی ضرورت کیا تھی؟۔