عمران خان کی نااہلی پر مریم نواز کا ردعمل
مسلم لیگ ن کی نائب صدر مریم نواز کا کہنا ہے کہ پاکستان کا پہلا سرٹیفائڈ جھوٹا اور سند یافتہ چور چوری کے نا قابل تردید ثبوتوں کے ساتھ نا اہل ہوا۔
الیکشن کمیشن کی جانب سے تحریک انصاف کے چیئرمین عمران خان کو نااہل کرنے کے فیصلے پر ردعمل کا اظہار کرتے ہوئے مسلم لیگ ن کی نائب صدر مریم نواز نے کہا ہے کہ پاکستان کا پہلا سرٹیفائڈ جھوٹا اور سند یافتہ چور چوری کے نا قابل تردید ثبوتوں کے ساتھ نا اہل ہوا۔
سماجی رابطے کی ویب سائٹ ٹویٹر پر اپنی ٹویٹ میں مریم نواز کا کہنا تھا کہ میاں بیوی نے مل کر قومی خزانے کو لوٹا، جتنی بڑی چوری ہے اسکی سزا صرف نااہلی پر ختم نہیں ہونی چاہیے۔
مسلم لیگ ن کی نائب صدر نے مزید کہا کہ عمران خان کو گرفتار کرکے قانون کے سامنے پیش کرنا چاہیے، اورلوٹا پیسہ واپس لینا چاہیے۔
عمران خان توشہ خانہ ریفرنس میں نااہل قرار
الیکشن کمیشن نے توشہ خانہ ریفرنس میں سابق وزیر اعظم عمران خان کو 63 ون کے تحت نااہل قرار دے دیا ہے۔
عمران خان کی نااہلی 5 رکنی الیکشن کمیشن کا متفقہ فیصلہ ہے۔
الیکشن کمیشن کے فیصلے کے مطابق عمران خان رکن قومی اسمبلی نہیں رہے، ان کی قومی اسمبلی کی سیٹ خالی قرار دے دی گئی ہے۔
IMRAN KHAN
maryum nawaz
TOSHA KHANA
