امریکی صدر کی نوجوان لڑکی کو نصیحت، ویڈیو سوشل میڈیا پر وائرل

امریکی صدر بائیڈن کی ایک نوجوان لڑکی کو نصیحت کی ویڈیو انٹرنیٹ پر وائرل ہوگئی۔

کیلیفورنیا میں ایک کالج کی تقریب کے دوران میٹ اینڈ گریٹ سیشن میں امریکی صدر جو بائیڈن نے بھی شرکت کی، اس موقع پر امریکی صدر شرکاء میں گھل مل گئے اور طلباء انکے ساتھ سیلفیاں بناتے رہے۔

اس ایونٹ کی ایک ویڈیو انٹرنیٹ پر وائرل ہوئی ہے جس میں دیکھا جاسکتا ہے کہ امریکی صدر سیلفی لینے والی ایک لڑکی کے عقب سے آتے ہیں اور اسکے کاندھے پر ہاتھ رکھ کر کہتے ہیں کہ: میں اپنی بیٹیوں اور پوتیوں کو بھی یہ نصیحت کرتا ہوں کہ جب تک آپ 30 برس کی نہ ہوجائیں سنجیدہ مت ہوں۔

ویڈیو میں ایسا محسوس ہوا کہ شاید لڑکی کو بائیڈن کے اچانک اس طرح کاندھے پر ہاتھ رکھ کر نصیحت کرنا تھوڑا عجیب لگا ہے لیکن اس نے انہیں جواب دیا: اوکے! میں یہ بات اپنے ذہن میں رکھوں گی، جس کے بعد وہ ہنس پڑی۔

اس ویڈیو کو انٹرنیٹ پر 50 لاکھ سے زائد لوگ دیکھ چکے ہیں اور بائیڈن کی اس نصیحت پر ملے جلے ردعمل کا اظہار کررہے ہیں۔