سپریم کورٹ نے سائفر کی تحقیق نہیں کی تو حالات گھمبیر ہو سکتے ہیں، شیخ رشید

عمران خان کی نااہلی اور گرفتاری سے حکمرانوں کو کچھ نہیں ملے گا، شیخ رشید

سابق وزیرداخلہ اور عوامی مسلم لیگ کے سربراہ شیخ رشید کا کہنا ہے کہ عمران خان کی نااہلی اورگرفتاری سےحکمرانوں کوکچھ نہیں ملے گا۔

سماجی رابطے کی ویب سائٹ ٹویٹر پر اپنی ٹویٹ میں سابق وفاقی وزیر شیخ رشید کا کہنا تھا کہ سپریم کورٹ سائفر کی تحقیق نہیں کرے گا توحالات گھمبیر ہو سکتے ہیں، پاکستان کے سیاسی مستقبل کا فیصلہ اب اعلیٰ عدالتوں سے منسلک ہے، 4 اکتوبر کو نیب ترامیم کیس کی سماعت بھی اہم ہے۔

شیخ رشید نے کہا کہ کم عقل حکمران ہرقدم اپنے خلاف اٹھاتےہیں، عمران خان کی نااہلی اور گرفتاری سے حکمرانوں کو کچھ نہیں ملے گا، اسلام آباد کی پولیس تھک چکی ہے۔

سابق وزیرداخلہ کا کہنا تھا کہ 2 ہفتوں سے بلاول بھٹو امریکا میں مزے کررہا ہے اُسے سندھ کے سیلاب زدگان کی کوئی فکر نہیں، عوام کے مسائل سے ڈیل کی ضرورت ہے چوروں سے نہیں۔

شیخ رشید کا مزید کہنا تھا کہ اگر عمران خان کی کال پر فیصلہ چوک اور چوارہے میں ہونا ہے تو جھاڑو پھر جائےگا، اکتوبر اہم ہے 15 نومبر تک اہم سیاسی فیصلے ہو جائیں گے۔

IMRAN KHAN

Sheikh Rasheed Ahmed

shiekh rasheed

Tabool ads will show in this div