کوئٹہ:قدیم ثقافت کو اجاگر کرنے کے لئےمہرگڑھ میوزیم قائم
بلوچستان کی قدیم ثقافت کو اجاگر کرنے کے لئے کوئٹہ میں مہر گڑھ میوزیم قائم کردیا گیا ہے۔
کوئٹہ میں بلوچستان کی قدیم تہذیب و تمدن اور طرز زندگی کو محفوظ بنانے کے لئے سریاب روڈ پر مہر گڑھ میوزیم قائم کیا گیا ہے۔
اس عجائب گھر میں 7ویں صدی سے 18 ویں صدی کے دوران بلوچستان کے تاریخی مقام مہرگڑھ سے دریافت کی گئی۔
اس عمارت میں قدیم نوادرات، تلواریں، بندوقیں اور قرآنی نسخے رکھے گئے ہیں۔میوزیم میں نصب تصاویر بھی قدیم بلوچستان کی ثقافت کو اجاگر کرتی ہیں۔
میوزیم کا افتتاح وزیر اعلیٰ بلوچستان عبدالقدوس بزنجو نے کیا ، انہوں نے کہا کہ میوزیم کی تعمیر کا مقصد بلوچستان کی ہزاروں سالہ تاریخ کو محفوظ بنانے سمیت اجاگر کرنا ہے۔
وزیراعلیٰ بلوچستان نے میوزیم کو بین الاقوامی معیار کا بنانے کے لئے خامیوں کی نشاندہی کی اور انہیں دور کرنے کی ہدایات دیں۔
قدوس بزنجو کا کہنا تھا کہ صوبے کے دیگرعلاقوں میں بھی جلد میوزیم قائم کئے جائیں گے۔
Meher garh
