ایف آئی اے سائبرکرائم ونگ کے اہلکار ہی بلیک میلنگ میں ملوث نکلے

وفاقی تحقیقاتی ادارے ایف آئی اے سائبر کرائم ونگ کے اہلکار ہی شہریوں کو بلیک میل کرکے پیسے ہتھیانے لگے۔

ایف آئی اے نے شہری کی شکایت پر بلیک میلنگ میں ملوث اہلکاروں کیخلاف مقدمہ درج کرکے 2 اہلکاروں ذیشان اورمراد کو گرفتار کرلیا۔

ایف آئی آر کے مطابق اہلکاروں نے ماڈل ٹاون لنک روڈ کے ایک دفتر پر غیر قانونی چھاپہ مارا۔ ٹیم میں موجود ایک کانسٹیبل اپنے آپ کو انسپکٹر ظاہرکرتا رہا۔

حکام کے مطابق مذکورہ ایف آئی اے ٹیم50لاکھ کا مطالبہ کرتی رہی تاہم پھر 6 لاکھ میں ڈیل فائنل ہوئی۔