جی سی یونیورسٹی میں جلسہ کرانا ادارے کی توہین ہے،مریم نواز

نون لیگ کی نائب صدر مریم نواز کا کہنا ہے کہ جی سی یونیورسٹی میں عمران خان کا جلسہ کرانا ادارے کی توہین ہے۔

ٹویٹر پیغام میں مریم نواز نے جی سی یونیورسٹی کے وائس چانسلر کیخلاف کارروائی کا مطالبہ کردیا۔ انہوں نے کہا کہ تعلیمی ادارے کی بے حرمتی پر وائس چانسلر کیخلاف کارروائی ہونی چاہیے۔

مریم نواز کا کہنا تھا کہ تعلیمی ادارے کو نفرتوں کے سوداگرکے حوالے کرنیوالوں کو سزا ملنی چاہیے۔

دوسری جانب گورنر پنجاب نے گورنمنٹ کالج یونیورسٹی لاہور میں سیاسی تقریب کا نوٹس لے لیا ہے۔

گورنر پنجاب کا کہنا تھا کہ بچے ہمارا مستقبل ہیں،انہیں سیاست میں دھکیلنے کی گنجائش نہیں، جامعات میں اس طرح کے سیاسی جلسوں کی گنجائش نہیں، نامور تعلیمی ادارے کو سیاسی اکھاڑہ بنانا افسوسناک ہے۔