کابل :مسجد وزیراکبرخان کے باہر دھماکا،4 افراد جاں بحق

دھماکے کی نوعیت کے بارے میں متضاد اطلاعات موصول
<p>فائل فوٹو</p>

فائل فوٹو

افغانستان کے دارالحکومت کابل میں وزیراکبرخان مسجد کے باہر بم دھماکے میں 4 افراد جاں بحق ہوگئے۔

غیرملکی خبرایجنسی کےمطابق کابل میں مسجد کے باہر نماز جمعہ کے بعد دھماکا ہوا۔

وزیراکبر خان مسجد گرین زون سے چند کلومیٹر کے فاصلے پر ہے۔ دھماکے کی نوعیت کے بارے میں متضاد اطلاعات موصول ہوئیں۔

سوشل میڈیا میں آنے والی تصاویر میں دھماکے کے بعد مسجد کے باہر گاڑیوں کو آگ کی لپیٹ میں دیکھا جاسکتا ہے۔

کابل میں اطالوی اسپتال نے بتایا کہ دھماکے سے زخمی ہونے والے افراد کو اسپتال لایا گیا جن میں سے 4 انتقال کرچکے تھے۔ مجموعی طور پر 14 افراد کو اسپتال لایا گیا۔

کابل پولیس کے ترجمان خالد زردان نے دھماکے کی تصدیق کی تاہم انھوں نے جانی نقصان کی حتمی معلومات نہیں فراہم کیں۔

افغانستان

KABUL

Tabool ads will show in this div