بارشیں اور سیلاب، 6 بچوں اور 10 خواتین سمیت مزید 22 افراد جاں بحق

ملک میں مجموعی اموات 1500 سے تجاوز کر گئیں
Sep 16, 2022

حاليہ بارشوں اور سيلاب سے ملک بھر میں 24 گھنٹے کے دوران میں 6 بچوں اور 10 خواتین سمیت مزيد 22 افراد زندگى کى بازى ہار گئے، ملک میں مجموعی ہلاکتیں ڈیڑھ ہزار سے تجاوز کر گئیں۔

نيشنل ڈيزاسٹر مینجمنٹ اتھارٹى (این ڈی ایم اے) کى تازہ رپورٹ کے مطابق 24 گھنٹے کے دوران سیلابی صورتال کے باعث بلوچستان میں 13، خیبرپختونخوا میں ایک، سندھ میں 8 افراد لقمۂ اجل بنے، ملک بھر میں مجموعی طوع پر 1507 افراد جاں بحق ہوچکے ہیں۔

رپورٹ میں بتایا گیا ہے کہ حالیہ بارشوں اور سیلاب سے ملک بھر کے 81 اضلاع متاثر ہوئے، اب تک سندھ میں 646، خیبر پختونخوا میں 306، بلوچستان میں 294 اور پنجاب میں 191 جبکہ آزاد کشمیر میں 48 اور گلگت بلتستان میں 22 افراد جاں بحق ہو چکے ہیں۔

NDMA

FLOOD 2022

Pakistan flood 2022

MONSOON RAINS

Tabool ads will show in this div