ریشم کی شوبزکیریئر کی سب سے بڑی غلطی

کچھ دن قبل ہی اداکارہ ریشم کی ایک ویڈیو وائرل ہوئی جس میں انہیں ماحولیاتی آلودگی پھیلانے کے حوالے سے شدید تنقید کا نشانہ بنایا گیا

لالی وڈ ایکٹریس ریشم کو اس وقت سوشل میڈیا پر تنقید کا نشانہ بنایا گیا کہ جب ان کی ایک ویڈیو وائرل ہوئی ۔ وائرل ویڈیو میں وہ دریا میں مچھلیوں کو کھانا ڈالنے کے دوران پلاسٹک بیگ بھی دریا میں پھینک دیتی ہیں ۔

اس تنقید کے بعد اداکارہ نے قوم سے معافی مانگی ۔ ریشم کا کہنا تھا کہ وہ خود آلودگی کے حق میں نہیں ہیں ۔ لیکن جو کچھ ہوا وہ غیرارادی طور پر ہوا ۔ انہوں نے کہا کہ میں انسان ہوں ، غلطیاں انسانوں سے ہو جاتیں ہیں ۔ انہوں نے کہا کہ ان کے پورے کیئر کی یہ سب سے بڑی غلطی تھی ۔ مجھے معاف کیا جائے کوشش کروں گی کہ ایسا کبھی نہ ہو ۔

ان کا کہنا تھا کہ وہ ہر قسم کی آلودگی کے خلاف ہیں ۔ ریشم نے اپنی ویڈیو میں مزید کہا کہ ملک کو آلودگی سے پاک رکھنا ہمارا قومی فریضہ ہے ۔