عمران خان کب تک لاڈلہ رہے گا؟، ضمنی الیکشن ملتوی ہونے پر بلاول کا ردعمل

پاکستان پیپلزپارٹی کے چیئرمین بلاول بھٹو زرداری نے ضمنی الیکشن ملتوی ہونے پر ردعمل کا اظہار کرتے ہوئے کہا ہے کہ کب تک عمران خان لاڈلہ رہے گا؟، ضمنی الیکشن والے حلقوں میں طویل عرصے سے نمائندگی نہیں ہے۔

الیکشن کمیشن آف پاکستان نے ملک کے 13 حلقوں میں ضمنی الیکشن ملتوی کردیئے ہیں۔

الیکشن کے التواء پر چیئرمین پیپلزپارٹی اور وزیر خارجہ بلاول بھٹو زرداری کا ردعمل سامنے آگیا۔

ٹوئٹر پر ایک بیان میں ان کا کہنا تھا کہ عمران خان کب تک لاڈلہ رہےگا؟، ملتان اور کراچی کے میرے امیدوار ضمنی الیکشن اچانک ملتوی کئے جانے پر مایوس ہیں۔

بلاول نے مزید کہا کہ ضمنی الیکشن کیلئے پی پی امیدوار اپنے حلقوں کی خدمت کیلئے بے تاب ہیں، ضمنی الیکشن والے حلقوں میں طویل عرصے سے نمائندگی نہیں۔

چیئرمین پیپلزپارٹی کا کہنا تھا کہ آخری لمحات میں پی ٹی آئی کو الیکشن سے بھاگنے کی اجازت نہیں دینی چاہئے۔

ملک کے 10 قومی اسمبلی اور 3 پنجاب اسمبلی کے حلقوں میں 11، 25 ستمبر اور 2 اکتوبر کو ہونیوالے ضمنی الیکشن ملتوی کئے گئے۔س