سیلاب متاثرین کی امداد: ضلع نوابشاہ کو مزید 5 کروڑ روپے جاری

سندھ میں بارشوں اور سیلاب سے تباہی کا سلسلہ جاری ہے، سندھ حکومت نے ضلع نوابشاہ کیلئے مزید 5 کروڑ روپے جاری کردیئے ہیں۔

سندھ حکومت نے سیلاب متاثرہ علاقوں میں امدادی کاموں کیلئے ضلع نوابشاہ کیلئے مزید 5 کروڑ روپے جاری کردیئے، یہ رقم سیلاب متاثرین کی بحالی، خوراک اور انتظامی معاملات پر خرچ ہوگی۔

سندھ حکومت اس سے قبل نوابشاہ کے سیلاب متاثرین کو پہلے بھی 6 کروڑ روپے دیئے گئے تھے، اب تک سندھ میں سب سے زیادہ رقم ضلع نوابشاہ کو دی گئی ہے۔