ممنوعہ فنڈنگ کیس،پی ٹی آئی کو آخری مہلت مل گئی

الیکشن کمیشن آف پاکستان ( Election Commission Of Pakistan ) کی جانب سے تحریک انصاف ( پی ٹی آئی ) (PTI ) ممنوعہ فنڈنگ کے کیس میں جواب داخل کرانے کیلئے آخری موقع دے دیا ہے۔

الیکشن کمیشن آف پاکستان ( ای سی پی ) میں منگل 6 ستمبر کو تحریک انصاف ممنوعہ فنڈنگ ضبطگی کیس کی سماعت ہوئی۔

اس موقع پر شاہ خاور پاکستان تحریک انصاف کی جانب سے خاور شاہ الیکشن کمیشن کے سامنے پیش ہوئے۔

سماعت کے آغاز پر شاہ خاور نے کہا کہ وہ گزشتہ سماعت پر سپریم کورٹ میں مصروف تھے، جس کی وجہ سے بیرون ملک سے بعض دستاویزات ابھی تک نہیں مل سکیں۔ دستاویزات موصول ہونے پر ہی جواب جمع کرایا جائے گا۔ سمندر پار پاکستانیوں کے نائیکوپ اور دیگر تفصیلات کا انتظار ہے۔

اس موقع پر الیکشن کمیشن کے ممبر خیبر پختونخوا نے سوال کیا کہ ممنوعہ فنڈنگ کیس کتنا عرصہ چلا تھا؟ ، جس پر شاہ خاور ایڈووکیٹ نے کہا کہ ممنوعہ فنڈنگ کیس یہاں 8 سال تک چلا تھا۔

چیف الیکشن کمیشن نے استفسار کرتے ہوئے کہا کہ کیا اس کیس کو بھی 8 سال چلانا ہے؟ جواباً ایڈووکیٹ شاہ خاور نے الیکشن کمیشن کی جانب سے جواب داخل کرانے کیلئے دو ہفتے کا وقت دینے کی استدعا کی، جسے الیکشن کمیشن نے منظور کرلیا۔

چیف الیکشن کمشنر سکندر سلطان راجہ کا کہنا تھا کہ اگلی سماعت پر اس بات کو یقینی بنایا جائے کہ آخری مرتبہ وقت لیا جارہا ہے۔ بعد ازاں الیکشن کمیشن نے کیس کی مزید سماعت 19 ستمبر تک ملتوی کردی۔