یوم دفاع و شہداء کی مناسبت سے مزار اقبال پر پروقار تقریب

یوم دفاع پاکستان کے موقع پر لاہور میں مزار اقبال پر پاکستان رینجرز (پنجاب) کے زیر اہتمام تقریب کا انعقاد کیا گیا۔

ترجمان پاکستان رینجرز پنجاب کے مطابق شاعر مشرق علامہ ڈاکٹر محمد اقبال کے مزارپر ڈی جی پاکستان رینجرز پنجاب میجر جنرل سید آصف حسین نے حاضری دی۔

ڈی جی رينجرز آصف حسين نے مزار پر چادر چڑھائی، جب کہ استحکام پاکستان کی خصوصی دعا، شہداء اور علامہ اقبال کو بھی خراج تحسین پیش کیا گیا۔

ڈی جی رینجرز میجر جنرل آصف حسین نے مہمانوں کی کتاب میں اپنے تاثرات درج کيے۔

پاک فوج کے شعبہ تعلقات عامہ ( آئی ایس پی آر) کے مطابق یوم دفاع ملک بھر میں قومی جوش و جذبہ سے منایا جا رہا ہے۔

اس سلسلے میں مزار اقبال پر پھولوں کی چادر چڑھانے کی پروقار تقریب ہوئی، جہاں گیریژن کمانڈر میجر جنرل محمد شہباز خان نے مزار اقبال پر فاتحہ خوانی کی۔