خیرپور میں لاش دفنانے کیلئے خشک جگہ ملنا مشکل ہوگیا، دردناک ویڈیو سامنے آگئی

شہری لاش کو ٹھیلے پر رکھ کر گھومتے رہے، قبرستان بھی ڈوب گیا

سندھ کے علاقے ٹھری میرواہ خیرپور سے خوفناک مناظر سامنے آگئے۔ لاش کو رکھنے اور دفنانے کیلئے خشک جگہ ملنا بھی مشکل ہوگیا۔

ٹھری میر واہ سے سامنے آنے والی ویڈیو کے مطابق شہری ایک لاش کو ٹھیلے پر لیے گھوم رہے ہیں جو دو روز سے لاپتا شخص کی ہے اور پانی میں تیرتی ہوئی ملی تھی۔

شہری لاش کو سیلاب کے پانی میں ٹھیلے پر رکھ کر خشک جگہ کی تلاش میں شہر میں گھومتے رہے۔

سیلاب کی وجہ سے ٹھری میرواہ کا دیگر شہروں سے زمینی رابطہ کئی روز سے منقطع ہے۔

شہریوں کا کہنا ہے کہ انتظامیہ غائب ہے نا ایمبولینس ملی ہے نا کوئی اور سہولت ہے، لاش کو ریڑھی پر رکھ کر خشک زمین ڈھونڈ رہے ہیں۔

شہریوں نے بتایا قبرستان میں بھی پانی آچکا ہے جس کی وجہ سے تدفین کرنا ممکن نہیں۔

khairpur

Pakistan flood 2022

Tabool ads will show in this div