پیٹرول سے پہلے ایل پی جی سستی ہوگئی

ایل پی جی کی قیمت میں فی کلو 6 روپے کمی کردی گئی، نئی قیمت کا اطلاق آج رات 12 بجے (یکم ستمبر) سے ہوگا۔

آئل اینڈ گیس ریگولیٹری اتھارٹی (اوگرا) نے ایل پی جی کی قیمت میں 6 روپے فی کلو گرام کمی کردی۔ نوٹیفکیشن کے مطابق قیمت میں کمی سے گھریلو سلنڈر 75 اور کمرشل سلنڈر 287 روپے سستا ہوگیا۔

نوٹیفکیشن میں بتایا گیا ہے کہ گھریلو سلنڈر کی نئی قیمت 2571 سے کم ہوکر 2496 روپے اور کمرشل سلنڈر 9891 سے کم ہوکر 9604 روپے کا ہوگیا۔

اوگرا کے مطابق نئی قیمتوں کا اطلاع آج رات 12 بجے (یکم ستمبر) سے ہوگا۔

واضح رہے کہ آئل مارکیٹنگ کمپنیوں نے پیٹرول کی قیمت میں کمی کیلئے اوگرا کو سفارش کی ہے، پیٹرولیم قیمتوں میں رد و بدل کا اعلان آج رات ہوگا۔