خضدار میں ٹریفک حادثہ، 9 افراد جاں بحق

مرنے والوں میں 5 خواتین شامل
<p>فائل فوٹو</p>

فائل فوٹو

کراچی اور کوئٹہ قومی شاہراہ پر خضدار کے مقام پر ٹریفک حادثے میں 9 افراد جاں بحق ہوگئے۔

امدادی ٹیموں کے مطابق حادثہ مسافر وین اور پک اپ گاڑی کے درمیان خضدار میں کورک کے مقام پر پیش آیا۔ ابتدائی معلومات کے مطابق مرنے والوں میں 5 خواتین اور 3 مرد شامل ہیں۔ حادثے میں 15 مسافر زخمی بھی ہوئے۔2 زخمیوں کو تشویشناک حالت میں کراچی ریفر کردیا گیا۔

لاشوں کو ضروری کارروائی اور زخمیوں کو فوری طبی امداد کیلئے خضدار ٹیچنگ اسپتال منتقل کردیا گیا ۔ زخمی ہونے والوں میں خواتین اور بچے بھی شامل ہیں۔

ڈپٹی کمشنر خضدار میجر ریٹائرڈ محمد الیاس کبزئی اور ایم پی اے میر یونس عزیز زہری بھی زخمیوں کی عیادت کیلئے اسپتال پہنچ گئے۔ اس موقع پر ڈپٹی کمشنر کی جانب سے زخمیوں کو بہترین سہولت اور طبی امداد دینے کی ہدایت بھی کی۔

بلوچستان

TRAFFIC ACCIDENT

KHUZDAR

Tabool ads will show in this div