دادو میں سیلاب کا خطرہ، الرٹ جاری

دادو میں سیلاب کا خطرہ، ضلع انتظامیہ نے الرٹ جاری کردیا، 24 سے 48 گھنٹے خطرناک قرار دے دیئے گئے۔

خیبرپختونخوا اور پنجاب کے بعد سندھ کے دریاؤں میں بھی سیلابی صورتحال پیدا ہونا شروع ہوگئی۔ ضلعی انتظامیہ نے دادو میں سیلاب کا الرٹ جاری کردیا۔

ضلعی انتظامیہ نے سیلاب کے خطرے کے پیش نظر ہدایت کی ہے کہ میہڑ، خیرپورناتھن شاہ اور جوہی کے رہائشی محفوظ مقام پر منتقل ہوجائیں۔

ضلعی انتظامیہ کے مطابق 24 سے 48 گھنٹے خطرناک ہیں، منچھر جھیل اوور فلو ہے، دریائے سندھ میں پانی نہیں جارہا۔