عمران خان کا جلد انتخابات کیلئے حکومت پر دباؤ بڑھانے کا فیصلہ

پارٹی قائدین کا عمران خان کو مزاحمت کے بجائے مفاہمت کا مشورہ

عمران خان نے جلد انتخابات کیلئے حکومت پر دباؤ بڑھانے کا فیصلہ کیا ہے جبکہ پاکستان تحریک انصاف کے رہنماؤں نے مشاورتی اجلاس میں جلسے جاری رکھنے اور بیک ڈور ڈپلومیسی کا دائرہ کار بڑھانے پر اتفاق کرلیا۔

پاکستان تحریک انصاف کا پارٹی چیئرمین عمران خان کی زیر صدارت اہم مشاورت اجلاس ہوا، جس میں پی ٹی آئی رہنماؤں نے عمران خان کو مزاحمت کی بجائے مفاہمت کا مشورہ دیدیا۔

پی ٹی آئی چیئرمین عمران خان نے انتخابات کیلئے حکومت پر جلد دباؤ بڑھانے کا فیصلہ کیا ہے۔

ذرائع کے مطابق پارٹی رہنماؤں نے شدید گرمی کی وجہ سے لانگ مارچ نہ کرنے کی بھی تجویز دی، حکومت پر دباؤ بڑھانے کیلئے جلسوں کو جاری رکھنے اور بیک ڈور ڈپلومیسی کا دائرہ کار بڑھانے پر اتفاق کیا گیا۔

واضح رہے کہ پاکستان تحریک انصاف حکومت سے فوری عام انتخابات کا مطالبہ کررہی ہے، الیکشن کمیشن پاکستان نے قومی اسمبلی کی 2 مخصوص نشستوں سمیت 11 پی ٹی آئی اراکین کے استعفے منظور کرلئے، 9 نشستوں پر ضمنی انتخابات آئندہ ماہ ہوں گے۔

پاکستان تحریک انصاف آج (13اگست) رات لاہور میں بڑا جلسہ عام کررہی ہے، جس میں نئے الیکشن کے مطالبے کو دہرایا جائے گا۔

پاکستان

IMRAN KHAN

Tabool ads will show in this div