ملعون سلمان رشدی مرنے کے قریب، بول نہیں پارہا

ملعون سلمان رشدی نیویارک کے اسپتال میں وینٹی لیٹر پر ہے جہاں اسکی حالت تشویشناک بتائی جارہی ہے۔

ڈاکٹرز کے مطابق گستاخ کی ایک آنکھ ضائع ہو سکتی ہے، رشدی کے ایجنٹ نے بتایا اس کی صحت کی خبریں اچھی نہیں ہیں اور وہ بول نہیں پا رہا، اسکے بازو کی نسیں کٹ چکی ہیں اور پیٹ پر چاقو کے حملے سے اسکے جگر کو بھی نقصان پہنچا ہے۔

عالمی خبر رساں ایجنسی کے مطابق گستاخ رسول 75 سالہ سلمان رشدی پر جمعہ کو امریکی ریاست نیویارک کے علاقے شوٹاکوا میں اس وقت حملہ ہوا جب وہ ایک تقریب سے خطاب کیلئے اسٹیج پر پہنچا تھا۔

غیر ملکی میڈیا کے مطابق ایک بہادر شخص نے اسٹیج پر آکر سلمان رشدی اور انٹرویو لینے والے شخص پر چاقو سے حملہ کیا۔ بی بی سی کے مطابق سلمان رشدی کی گردن پر زخم آیا ہے۔

عینی شاہدین کے مطابق حملے کے فوری بعد سلمان رشدی کو ہیلی کاپٹر پر وہاں سے اسپتال لے جایا گیا جبکہ حملہ آور کو حراست میں لے لیا گیا ہے۔