سونے کی فی تولہ قیمت میں 2700 روپے کی مزید کمی

بین الاقوامی مارکیٹ میں بھی فی اونس 5 ڈالر کی کمی ہوٸی

عالمی مارکیٹ میں سونے کی فی اونس قیمت میں 5 ڈالر جب کہ پاکستان میں فی تولہ سونے کی قیمت میں 2700 روپے کی کمی ہوگئی۔

بین الاقوامی بلین مارکیٹ میں سونے کی فی اونس قیمت میں 5 ڈالر کی کمی ہوئی، جس کے بعد عالمی مارکیٹ میں سونے کی فی اونس قیمت 1790 ڈالر کی سطح پر پہنچ گئی۔

دوسری جانب پاکستان میں بھی جمعے کے روز سونے کی فی تولہ اور دس گرام قیمت میں بالترتیب 2700 روپے اور 2315 روپے کی کمی ہوگئی ہے۔

قیمتوں میں کمی کے بعد کراچی، حیدرآباد، ملتان، لاہور، راولپنڈی، اسلام آباد اور کوئٹہ میں سونے کی فی تولہ قیمت گھٹنے کے بعد 1 لاکھ 39 ہزار روپے جب کہ دس گرام سونے کی قیمت کم ہونے کے بعد 1 لاکھ 19 ہزار 170 روپے کی سطح پر آگئی۔

Rahim khan Aug 13, 2022 10:00am
Good info4mative source.
Tabool ads will show in this div