سال 2022میں پاکستانیوں نےپڑوسی ممالک کی نسبتا سستا حج کیا، وزیرمذہبی امور

ابتدائی تخمینے کے مطابق حج اخراجات 10 لاکھ روپے فی کس تھے

وزیرمذہبی امور مولانا عبدالشکور نے بتایا ہے کہ رواں سال پاکستانیوں کو پڑوسی ممالک کی نسبت سستا ترین حج کراویا گیا۔

جمعہ کو سینیٹ کی مذہبی امور کمیٹی میں وزیر مذہبی امور مولانا عبدالشکور نےحج آپریشن پر بریفنگ دی۔

انھوں نے بتایا کہ ابتدائی تخمینے کے مطابق حج اخراجات 10 لاکھ روپے فی کس تھے تاہم وزارت مذہبی امور نے کوشش کرکے حجاج کو سبسڈی دلوائی اورسعودی حکومت سے کچھ اخراجات کم کروائے۔

انھوں نے یہ بھی بتایا کہ کرپشن ،کمیشن مافیا اور مڈل مین کو راستے سے ہٹانے پر اخراجات ساڑھے تین لاکھ روپے تک کم ہوگئے اور سرکاری اسکیم کے تحت حج ساڑھے چھ سے سات لاکھ روپے میں ممکن ہے۔

کمیٹی چئیرمین عبدالغفور حیدری نے کہا کہ ہر حاجی کا کہنا یہ تھا کہ سعودی عرب میں پاکستانی عازمین کے لیے بہت اچھے انتظامات تھے، اس بنیاد پر ہم نے ایک قرار داد پاس کی ہے۔

وزارت مذہبی امور اور اسلامی نظریاتی کونسل کی مخالفت پر کمیٹی نے والد کے انتقال پر بچوں کی کفالت ماں کے سپرد کرنے سے متعلق ترمیمی بل مسترد کریا ۔ کمیٹی کا مؤقف تھا کہ بچوں کی سرپرستی کی حوالے سے ولایت کا مؤثر قانون پہلے سے موجود ہے اور اس میں مزید ترامیم کی ضرورت نہیں۔

SAUDIA ARABIA

HAJJ 2022

Tabool ads will show in this div