پی ٹی آئی کی عمران خان اور امریکی سفیر کے رابطے کی تردید

عمران خان کے رابطے کی خبر میں صداقت نہیں،شیریں مزاری
Aug 12, 2022

تحریک انصاف کی رہنما شیریں مزاری اور اسد عمر نے عمران خان اور امریکی سفیر کے درمیان رابطے کی خبر کی تردید کردی۔

ٹوئٹر بیان میں شیریں مزاری نے کہا اس بات میں صداقت نہیں کہ عمران خان اور امریکی سفیر کے درمیان کسی قسم کا رابطہ ہوا ہے۔

سیکرٹری جنرل تحریک انصاف اسد عمر نے اپنے ٹوئٹر پیغام میں کہا جیسے ہر ہفتے مہنگائی کے اعداد و شمار جاری کیے جاتے ہیں اسی طرح عمران خان اور امریکی سفیر کے درمیان رابطے کی کہانی سامنے آئی ہے۔

واضح رہے کہ چیئرمین تحریک انصاف عمران خان کے پاکستان میں امریکی سفیر ڈونلڈ بلوم سے رابطے کا انکشاف ہوا ہے۔ ذرائع کے مطابق عمران خان اور پاکستان میں امریکی سفیر ڈونلڈ بلوم کے درمیان رابطہ وزیراعلیٰ خیبرپختونخوا اور امریکی سفیر کے درمیان ملاقات کے دوران ہوا تھا۔

وزیراعلیٰ خیبر پختونخوا محمود خان نے وزیراعلیٰ ہاؤس کے سائیڈ روم میں تنہا لے جا کر امریکی سفیر اور سابق وزیراعظم عمران خان کے درمیان بات کرائی۔

ذرائع کے مطابق عمران خان کا کہنا تھا کہ ڈونلڈ لو کے خیالات کو امریکی حکومت کا مؤقف نہیں بننا چاہیے تھا۔ پاکستان کے عوام نے اسی لیے امریکا کے خلاف شدید ردعمل دیا۔

امریکی سفیر ڈونلڈ بلوم کا کہنا تھا کہ مجھے ذمہ داری سنبھالے دو ماہ کا عرصہ ہوا ہے، آپ کی بات سے اپنی حکومت کو آگاہ کروں گا۔

PTI

IMRAN KHAN

Tabool ads will show in this div