لال سنگھ چڈھا پرتنقید نےکرینہ کو لال پیلا کردیا

ہالی ووڈ کی مشہور فلم “فارسٹ گمپ” کو ‘ایک اعلی قسم کی کلاسسٹ فلم’ کہے جانے پر کرینہ کپور نے سوشل میڈیا پر ہونے والی تنقید پر ردعمل کا اظہار کیا۔

بھارتی میڈیا کو حالیہ انٹرویو میں کرینہ کا کہنا تھا کہ لوگ کسی نہ کسی وجہ سے اداکاروں پر تنقید کرتےہیں اور ایسا اس لئے ہوتا ہے کیوں کہ وہ ٹوئٹر پر نہیں ہیں۔ انہوں نے فاریسٹ گمپ کے بارے میں اپنے اس بیان کی وجہ بھی بتائی۔

بھارتی میڈیا کے ساتھ بات کرتے ہوئے کرینہ نے کہا کہ “ہر روز کسی نہ کسی وجہ سے ہم پر تنقید کی جاتی ہےاور اس ہی لیے میں ٹویٹر پر نہیں ہوں۔ مجھے ایسا لگتا ہے کہ یہ ان لوگوں کے لیے ہے جو صرف باہر نکلنا چاہتے ہیں اور میرے پاس اس کے لیے وقت نہیں ہے۔ میں اپنے بچوں، خاندان اور کام میں بہت مصروف ہوں، میرے پاس ان سب کے لیے وقت نہیں ہے۔”

کرینہ بالی ووڈ کی نئی آنے والی فلم لال سنگھ چڈھا میں نظر آئیں گی جو فاریسٹ گمپ (1994) کا ہندی ورژن ہے۔ انہوں نے فارسٹ گمپ کے بارے میں بتایا کہ “کوئی ایسا شخص جو شاید انگریزی نہیں بولتا وہ بھی اس فلم کو دیکھنے جا رہا ہے، یہ اس لیے نہیں کہ یہ ہالی ووڈ کا ریمیک ہے بلکہ اس کی کہانی کا انہیں ٹریلر سے پتہ چلا ہے۔ اسے تامل اور تیلگو میں بھی ڈب کیا جا رہا ہے تاکہ لوگ اسے اپنی زبان میں دیکھ سکیں اور لطف اندوز ہو سکیں اور اس میں کوئی غلط بات نہیں ہے، دنیا میں ہر کسی نے اسے نہیں دیکھا ہوگا۔

کرینہ کا مزید کہنا تھا کہ “ابھی بھی بہت سے ایسے لوگ ہیں جنہوں نے اب تک فارسٹ گمپ نہیں دیکھی۔ یہ ایک اشرافیہ قسم کی کلاسسٹ فلم ہے۔ یہ وہ فلم ہے جس کو بڑے پیمانے پر لوگوں نے نہیں دیکھا ہے لہذا وہ اسے کہانی کے لیے دیکھیں گے۔ یقیناً عامر خان نے اسے اس کے لیے بنایا ہے مگر یہ ایک ایسی کہانی بھی ہے جس کو لوگ دیکھنا چاہیں گے۔”

لال سنگھ چڈھا 11 اگست کو سینما گھروں میں نمائش کے لیے پیش کی جائے گی ۔ فلم کی کاسٹ میں کرینہ کے علاوہ عامر خان، مونا سنگھ اور ناگا چیتنیا بھی شامل ہیں۔ اس فلم کو عامر خان پروڈکشن، کرن راؤ اور وائی کام 18 اسٹوڈیوز نے پروڈیوس کیا ہے۔