ایف بی آرکابڑے شہروں میں ریٹیلرز کے خلاف کارروائی کا فیصلہ

ایف بی آر نے ملک کے بڑے شہروں میں 114 سے زیادہ بڑے ریٹیلرز کے خلاف کارروائی کا فیصلہ کیا ہے۔

ایف بی آر کی جانب سے بتایا گیا کہ کمپیوٹرائزڈ سسٹم سے منسلک ہونے کیلئے بڑے ریٹیلرز کو 10 اگست کی ڈیڈ لائن جاری کردی گئی ہے۔

ایف بی آر حکام نے بتایا کہ پوائنٹ آف سیل سے غیر منسلک ریٹیلرز کا ان پٹ ٹیکس کلیم ضبط کرلیا جائےگا، 10 اگست تک ریٹیلرز منسلک نہ ہوئے تو ان پٹ ٹیکس کلیم تصورنہیں ہوگا۔

یہ بھی بتایا گیا کہ ریٹیلرز کو نوٹس جاری کرکے کارروائی کا آغاز کیا جائے گا۔ ریٹیلرزکو60 فیصد تک ان پٹ ٹیکس کلیم کرنے کی اجازت تھی اور بڑے ریٹیلرزکوجولائی2021 سے منسلک ہونے کی ہدایت کی تھی۔

ایف بی آر کی جانب سے مزید بتایا گیا کہ پی او ایس سے غیرمنسلک ریٹیلرز کی بڑی تعداد کراچی، لاہور،فیصل آباد کی ہے۔

بڑے ری ٹیلرز میں جیولرز، سویٹ اینڈ بیکری شاپس، ٹریڈرز، شاپنگ مال، گارمنٹس، آٹو اسٹورز، سپر اسٹورز، کپڑوں اور جوتوں کے بڑے برینڈز، ٹائر شاپس، جنرل اسٹورز وغیرہ شامل ہیں۔