فیصل نیازی کا استعفیٰ منظور، ضمنی انتخاب کا شیڈول جاری

الیکشن کمیشن ن لیگی ایم پی اے فیصل نیازی کا استعفٰی منظورکرلیا۔ الیکشن کمیشن نے پی پی 209 خانیوال میں ضمنی انتخاب کا شیڈول بھی جاری کردیا۔

الیکشن کمیشن کا کہنا ہے کہ 15 سے 17 اگست تک امیدوار اپنے کاغذات جمع کرا سکتے ہیں جبکہ امیدواروں کو انتخابی نشانات یکم ستمبر کو الاٹ کئے جائیں گے۔

الیکشن کمیشن کے مطابق پی پی 209 خانیوال میں ضمنی انتخاب کےلیے پولنگ دو ستمبر کو ہوگی۔

خیال رہے کہ ن لیگ کے منحرف رکن پنجاب اسمبلی فیصل نیازی نے 22 مئی کو استعفیٰ دیا تھا جو منظور کرلیا گیا تھا۔