انعام بٹ فائنل میں ہار گئے، سلور میڈل جیت لیا

انعام بٹ کو فائنل میں بھارت کے دیپک پونیا نے ہرادیا
Aug 05, 2022

برمنگھم میں جاری کامن ویلتھ گیمز کے ریسلنگ مقابلوں کی 86 کلو کی کیٹیگری میں انعام بٹ کو فائنل میں بھارت کے دیپک پونیا نے ہرادیا۔ قومی پہلوان انعام بٹ نے سلور میڈل جیت لیا۔

انعام بٹ نے سیمی فائنل میں جنوبی افریقہ کے پہلوان لیسنگ ایڈورڈ کو شکست دے کر 86 کلو کی کیٹیگری کے فائنل کے لیے کوالفائی کیا تھا۔ پاکستان نے ایونٹ میں مجموعی طور پر ایک گولڈ، ایک سلور اور دو برونز میڈل جیت لیے۔

واضح رہے کہ گزشتہ روز پاکستان کے 24 سالہ ویٹ لفٹر محمد نوح بٹ نے برطانیہ کے شہر برمنگھم میں جاری دولتِ مشترکہ کھیلوں میں ملک کے لیے پہلا طلائی تمغہ حاصل کر لیا ہے۔

نوح بٹ نے 109 کلوگرام سے زیادہ وزن کے ویٹ لفٹرز کے مقابلے میں مجموعی طور پر 405 کلوگرام وزن اٹھا کر نہ صرف گولڈ میڈل حاصل کیا بلکہ کامن ویلتھ گیمز کا نیا ریکارڈ بھی قائم کیا۔

commonwealth games 2022

Tabool ads will show in this div