ملتان : پی ٹی آئی کارکنان کا شاہ محمود قریشی کے خلاف احتجاج

شاہ محمود نے این اے 157 میں اپنی بیٹی کو نامزدکیا،کارکنان
Aug 05, 2022

ملتان میں الیکشن کمیشن آفس کے باہر پی ٹی آئی کارکنان نے پارٹی وائس چیئرمین شاہ محمود قریشی کے خلاف احتجاج کیا۔

احتجاجی کارکنوں کا کہنا ہے کہ شاہ محمود قریشی این اے 157 میں اپنی بیٹی مہر بانو قریشی کو نامزد کرکے موروثی سیاست کو فروغ دے رہے ہیں۔

پاکستان تحریک انصاف سے این اے 157 کےلیے کاغزات نامزدگی جمع کرانے والے انجینئر وسیم عباس نے ٹکٹ کے حصول کے لیے بنی گالہ کے سامنے دھرنے کا بھی اعلان کیا۔

وسیم عباس کا کہنا ہے کہ ہم نے ووٹ تبدیلی کو دیا ہے، ہماری ان مورثی سیاست سے جان چھڑوائی جائے. یہ کون سی تبدیلی ہے جو مورثیت کے لیبل میں لپیٹ کر ہمیں دی جا رہی ہے۔

کارکنان کا کہنا ہے کہ مخدوم شاہ محمود قریشی موروثی سیاست کو فروغ دے رہے ہیں۔ اور ہم ایسی سیاست کو نہیں مانتے۔

Tabool ads will show in this div