خیبر پختونخوا حکومت نے تجارتی تنازعات کے حل کے لئے کمرشل کورٹ قائم کرنے کا فیصلہ کرلیا۔

خیبر پختونخوا اسمبلی نے کمرشل کورٹ کے قیام کےلیے تجارتی تنازعات بل 2022 کی منظوری دے دی ہے۔ تجارتی کورٹ کے قیام کا مقصد، سول کورٹ پر کیسز کا بوجھ کم کرنا ہے۔

بل کے مطابق تاجروں میں 3 لاکھ یا اس سے زیادہ کا تنازع اب تجارتی عدالت حل کرے گی۔ تجارتی تنازعات کے کیسز کا ایک یا دو پیشی میں حل نکالا جائے گا۔

بل کے تحت تمام جاری تجارتی یامالی تنازعات فوری طور پر کمرشل کورٹ منتقل کیے جائیں گے جبکہ اپیلیٹ ٹریبونل چیئرمین اور ایک قانونی ماہر کے ساتھ 5 ارکان پرمشتمل ہو گا۔

دوسرے جانب اجلاس میں بلوچستان میں ہیلی کاپٹر حادثے میں شہید ہونے والے افسران کے لئے فاتحہ خوانی اور درجات کی بلندی کی دعا کی گئی اور شہید لیفٹننٹ جنرل سرفراز علی اور دیگر افسران کو خراج تحسین پیش کیا گیا۔