محکمہ موسمیات کی اگست میں معمول سے زیادہ بارشوں کی پیشگوئی

لاہور سمیت پنجاب بھر میں اربن فلڈںگ کا خدشہ ہے، محکمہ موسمیات

محکمہ موسمیات نے اگست میں معمول سے زیادہ بارشوں کی پیشگوئی کر دی۔

محکمہ موسمیات کا کہنا ہے کہ ملک بھر میں اگست میں بارشیں معمول سے زیادہ ہوں گی، پنجاب، آزاد کشمیر اور جنوبی سندھ میں معمول سے زیادہ بارشیں ہوں گی۔

محکمہ موسمیات کے مطابق کے پی اور بلوچستان کے بیشترعلاقوں میں بھی معمول سے قدرے زیادہ بارشوں کا امکان ہے جبکہ گلگت بلتستان میں رواں ماہ معمول کے مطابق بارشیں ہوں گی۔

رپورٹ کے مطابق موسلادھاربارشوں سے پہاڑی علاقوں میں سیلابی ریلوں کا جبکہ پنجاب، سندھ اور کے پی کے میدانی علاقوں میں اربن فلڈنگ کا خطرہ ہے۔

محکمہ موسمیات کے مطابق رواں ماہ معمول سے زیادہ درجہ حرارت شمالی علاقوں میں برف پگھلنے کا عمل تیز کردے گا جس سے دریاؤں میں پانی کا بہاؤ بھی بڑھے گا۔

حکام کے مطابق معمول سے برف پگھلنے اور معمول سے زیادہ بارشوں کے نتیجے میں رواں ماہ آب پاشی اور پاور سیکٹر کیلئے وافر پانی دستیاب ہوگا۔

weather forecast

Monsoon Rain

Ahmed hussain awan Aug 02, 2022 10:19pm
Ok
Tabool ads will show in this div