بجلی کے بِل پر ٹیکس واپس لیں، مریم نواز کا مفتاح اسماعیل سے مطالبہ

چھوٹے تاجروں کو مطمئن کرنے کے لیے کل ملاقات کروں گا، مفتاح اسماعیل
Jul 31, 2022

مسلم لیگ ن کی نائب صدر مریم نواز نے ٹویٹر پر وزیر خزانہ مفتاح اسماعیل کو درخواست کی کہ بجلی کے بِل پر ٹیکس واپس لیں، تاجر بھائی پریشان ہیں اور شکوہ کر رہے ہیں۔ امید ہے آپ کوئی حل نکالیں گے۔

مریم نواز کے ٹوئیٹ پر مفتاح اسماعیل نے جوابی ٹوئیٹ میں لکھا کہ وزیراعظم نے بھی ہدایت کی ہے کہ چھوٹے تاجر نئے ٹیکس قانون سے مکمل طور پر مطمئن ہوں۔

دوسری جانب نائب صدرن لیگ مریم نواز اور وزیرخزانہ مفتاح اسماعیل کے درمیان رابطہ ہوا ہے جس میں مفتاح اسماعیل نے کل تاجروں سےملاقات کی یقین دہانی کرائی ہے۔

وزیرخزانہ مفتاح اسماعیل کا کہنا تھا کہ چھوٹے تاجروں کو مطمئن کرنے کے لیے کل ملاقات کروں گا۔

مفتاح اسماعیل کا کہنا تھا کہ 150 یونٹس سے کم کے بل والی دکانوں کو اس ٹیکس سے مستثنیٰ رکھا جائے گا جبکہ ان دکانداروں سے بھی 3 ہزار روپے وصول کریںگے جو ایف بی آر میں رجسٹرڈ نہیں۔

انہوں نے مزید لکھا کہ دکانوں کوکوئی ٹیکس نوٹس جاری نہیں کیا جائے گا اور نہ ہی ایف بی آر افسران ان کی دکانوں پر جائیں گے۔

MARYAM NAWAZ

Miftah Ismail

Tabool ads will show in this div