وزیراعلیٰ پنجاب کا سیلاب متاثرین کے لئے مالی امداد کا اعلان

سیلاب سے جاں بحق افراد کے لواحقین کو 8،8 لاکھ روپے دیئے جائیں گے

وزیراعلیٰ پنجاب چوہدری پرویز الہیٰ نے سیلاب سے جاں بحق افراد کے لواحقین کے لئے 8،8 لاکھ روپے امداد کا اعلان کردیا۔

وزیراعلیٰ پنجاب پرویزالٰہی نے سیلاب متاثرین کے لئے مالی امداد کا اعلان کردیا ہے، اور کہا ہے کہ جلد سیلاب متاثرہ علاقوں کا دورہ بھی کروں گا۔

وزیراعلی پرویز الہیٰ نے ڈیرہ غازی خان، راجن پور، مظفرگڑھ اور میانوالی کے سیلاب متاثرین کے لئے امداد کا اعلان کرتے ہوئے بتایا کہ سیلاب سےجاں بحق ہونے والے افراد کے لواحقین کو 8،8 لاکھ روپے مالی امداد دیئے جائیں گے۔

پرویزالٰہی نے کہا کہ سیلاب سے گھروں، فصلوں اور مویشیوں کے نقصانات کا تخمینہ لگا کر متاثرہ افراد کی مالی معاونت کی جائےگی۔

وزیراعلیٰ نے متاثرہ علاقوں میں سڑکوں کی جلد تعمیرو مرمت اور سیلاب متاثرہ علاقوں میں میڈیکل کیمپس لگانے کا حکم بھی دیا اور کہا کہ سیلاب متاثرین کووبائی امراض سےبچاؤکی ویکسین بھی لگائی جائے۔

پرویزالٰہی نے ہدایت جاری کی کہ سیلاب متاثرین میں خشک راشن تقسیم کیاجائے،
کمشنر، ڈپٹی کمشنرز، آر پی او اور ڈی پی اوز متاثرین کی دادرسی کے لیے کوئی کسر اٹھا نہ رکھیں، ریلیف کی تمام سرگرمیوں کی باقاعدگی سےرپورٹ پیش کی جائے۔

flood

flood in pakistan

Tabool ads will show in this div