کراچی سمیت ملک بھر میں بجلی مہنگی کرنے کی تیاری

اضافہ جون کی ماہانہ فیول ایڈجسٹمنٹ کی مد میں مانگا گیا ہے، نیپرا

کے الیکٹرک نے بجلی 11 روپے 38 پیسے اور سی پی پی اے نے 9 روپے 90 پیسے فی یونٹ مہنگی کرنے کی درخواست دے دی۔

کراچی سمیت ملک بھر میں بجلی ایک ماہ کے لئے مہنگی کرنے کی تیاریاں شروع ہوچکی ہے، اور اس حوالے سے کے الیکٹرک اور سینٹرل پاور پرچیسنگ ایجنسی نے نیپرا کو درخواست دے دی ہے۔

نیپرا کے مطابق سینٹرل پاور پرچیسنگ ایجنسی ( سی پی پی اے ) نے بجلی 9.90 روپے مہنگی کرنے کی درخواست دی ہے، اضافہ جون کی ماہانہ فیول ایڈجسٹمنٹ کی مد میں مانگا گیا ہے۔

نیپرا نے بتایا کہ کےالیکٹرک کی جانب سے بھی بجلی 11 روپے 38 پیسے فی یونٹ مہنگی کرنے کی درخواست موصول ہوئی ہے، اور اس نے بھی یہ اضافہ جون کی ماہانہ فیول ایڈجسٹمنٹ کی مد میں مانگا ہے۔

نیپرا کے مطابق نیپرا دونوں درخواستوں پر 28 جولائی کو سماعت کرے گا۔

nepra

K ELECTRIC

ELECTRICITY BILL

Tabool ads will show in this div