بارشوں کاحالیہ سلسلہ،حب ڈیم میں پانی کی سطح میں اضافہ

حالیہ سیزن میں مون سون کی بارشوں سے حب ڈیم کی سطح میں 15.8 فٹ کا اضافہ ہوا ہے۔

واٹربورڈ حکام نے بتایا ہے کہ حالیہ بارشوں سے قبل ڈیم میں پانی کی سطح 322 فٹ تھی جبکہ گذشتہ چند ہفتوں کے دوران بارشوں کے بعد ڈیم میں سطح آب 337.8 فٹ ہوگئی ہے۔

واٹربورڈ کے چیف انجینئر نے بتایا کہ حب ڈیم میں پانی ذخیرہ کرنے کی گنجائش 339 فٹ ہے اور حب ڈیم مکمل بھرنے میں تقریباً 1.2 فٹ کی سطح باقی رہ گئی ہے۔

ایم ڈی واٹربورڈ نے کہا ہے کہ ڈیم میں پانی کی سطح میں اضافہ شہر کے لیے اچھی خبر ہے اور اس سے ضلع شرقی میں پانی کی فراہمی میں مزید بہتری آئےگی۔

ایم ڈی واٹر بورڈ نے مزید بتایا کہ حب ڈیم سے شہرکویومیہ 100 ایم جی ڈی پانی فراہم کیا جاتا ہے اورحب ڈیم بھرنے کے بعد شہر کو یومیہ 100 ایم جی ڈی پانی کے حساب سے 3 سال تک فراہمی جاری رہ سکے گی۔