کراچی کی منڈیوں میں آنے والے قربانی کے جانور صحت مند قرار

ڈھائی لاکھ جانوروں کوویکسین لگائی گئی ہے، ڈی جی لائیواسٹاک سندھ

سندھ حکومت نے کراچی کی منڈیوں میں آنے والے قربانی کے جانوروں کو صحت مند قرار دے دیا ہے۔

ڈی جی لائیواسٹاک ڈاکٹر نظیر کلہوڑو کا کہنا ہے کہ کراچی کے شہری دل کھول کر قربانی کریں، اور کوئی شکایت ہو تو ہماری ٹیمیں مفت علاج کریں گی۔

ڈی جی لائیو اسٹاک سندھ نے کہا کہ بیماری سے متاثر ہونے والے 32 لاکھ جانوروں کو ویکسین لگائی جاچکی ہے، اور اس کے علاوہ ڈھائی لاکھ جانوروں کو ویکسین لگائی گئی ہے۔

ڈاکٹر نظیر کلہوڑو نے مزید کہا کہ دیگر صوبوں سے آنے والے جانوروں کو راستے میں ویکسین لگائی جارہی ہے، شہریوں کو کوئی شکایت ہو تو ہماری ٹیمیں مفت علاج کریں گی، اور عید کی چھٹیوں میں بھی ہمارے اسپتال کھلے رہیں گے۔

کراچی

Cow Mandi

EID UL AZHA 2022

Tabool ads will show in this div