محکمہ موسمیات کا کہنا ہے کہ مون سون کا پہلا اسپیل آج رات یا کل صبح تک ختم ہوجائے گا۔

گزشتہ چند روز سے کراچی سمیت پورے پاکستان میں مون سون بارشوں کا سلسلہ جاری ہے، تاہم اب محکمہ موسمیات نے مون سون کے پہلے اسپیل کے ختم ہونے کا عندیہ دے دیا ہے۔

محکمہ موسمیات کے مطابق کراچی میں آج تیز بارش کا امکان نہیں ہے، لیکن شہر کے کچھ علاقوں میں ہلکی بارش ہوسکتی ہے۔

محکمہ موسمیات کے مطابق مون سون کا پہلا اسپیل آج رات یا کل صبح تک ختم ہو جائے گا، اور اس دوران کراچی میں تیز بارش نہیں ہوگی ، شہر میں سمندری ہوائیں معطل ہیں، جس کی وجہ سے حبس برقرار رہے گا۔