الیکشن کمیشن نےوزیراعلیٰ پنجاب کےروشن گھرانہ پروگرام کا نوٹس لے لیا

وزیراعلیٰ پنجاب حمزہ شہباز 7جولائی کو طلب کرلیا

الیکشن کمیشن آف پاکستان نے پنجاب میں ضمنی انتخابات کے حوالے سے ضابطہ اخلاق کی خلاف ورزی پر وزیر اعلی پنجاب حمزہ شہباز شریف کو نوٹس جاری کرکے 7 جولائی کو جواب طلب کر لیا ہے۔

الیکشن کمیشن آف پاکستان نے پنجاب کے 20 حلقوں میں انتخابات کے شیڈیول کا اعلان 25 مئی 2022 کیا تھا۔

الیکشن کمیشن کے جاری کردہ ضابطہ اخلاق کے مطابق کوئی سرکاری عہدیدار، منتخب نمائندہ یا حکومتی عہدیدار الیکشن شیڈیول کے اعلان کے بعد ان حلقوں میں کسی ترقیاتی اسکیم کا اعلان نہیں کرسکتا۔

الیکشن کمیشن نے مذکورہ نوٹس وزیر اعلی پنجاب حمزہ شہباز کے “ روشن گھرانہ پروگرام “ کے تحت بجلی صارفین کے لئے 100 یونٹ سبسڈی ریلیف پیکج کے حوالے سے دیا ہے۔

ریلیف پیکج کا اعلان وزیر اعلی پنجاب کی جانب سے 4 جولائی 2022 کو کیا گیا جبکہ الیکشن شیڈیول 25 مئی 2022 کو جاری کیا گیا تھا۔

پنجاب حکومت نے روشن گھرانہ پروگرام کے تحت ماہانہ 100 یونٹ تک بجلی استعمال کرنے والوں کا بل حکومت کی جانب سے ادا کرنے کا اعلان کیا ہے۔

ECP

HMAZA SHAHBAZ

Tabool ads will show in this div